| Автокөлік жасау саласындағы топтың қызметі жеңіл автокөлік және коммерциялық техника өндірісіне жұмылдырылған. Бүгінде Hyundai Trans Kazakhstan және Hyundai Trans Almaty зауыттары жұмыс істеп тұр. | Astana Motors Manufacturing Kazakhstan жеңіл автокөліктер өндіру мультибрендті зауыты мен Astana Motors Engineering автокомпоненттер өндіретін зауыттар кластері салыну үстінде. |
Hyundai жеңіл автокөлік өндіру зауыты 2020 жылдың қазан айынан бері жұмыс істейді. Кәсіпорынның қуаттылығы – жылына 50 мың автокөлік.
Кәсіпорынның жалпы ауданы 40 мың ш.м. Бүгінде ұсақ торапты өндіріс қуатын арттыру және дәнекерлеуімен және бояуымен бірге жаңа модельдерді іске қосу үшін өндірістік алаңдарды кеңейту және өндіріс цехтарын жаңғыртуға дайындық жүріп жатыр.
Зауытқа жақын жерде автокомпоненттер өндірісі бойынша кәсіпорындар кешені салынуда.
Hyundai Trans Kazakhstan Hyundai автокөліктерінің 10 моделін шығарады – Tucson, Accent, Sonata, Elantra, Santa Fe, Palisade, Staria, i30, Bayon, 2023 жылы Hyundai i20 моделінің өндірісі басталды. Hyundai Accent және Hyundai Tucson автокөліктері кәсіпорында дәнекерлеу, бояу және құрастыру операцияларымен бірге толық өндірістік циклмен шығарылады.
| 50 000 бірлік/жыл | 1 300 жұмыс орны |
Hyundai Trans Kazakhstan зауытында әрбір автокөлік Hyundai жоғары стандарттарына сәйкестік бойынша тексеруден өтеді. Зауыттағы барлық операциялар қатаң түрде Hyundai Motor Company стандарттарына сәйкес бекітілген технологиялық процесс бойынша өткізіледі.
Hyundai Trans Kazakhstan зауыты машина жасау саласында кадрлар резервін қалыптастырып жатыр. Бүгінгі таңда кәсіпорында 1300-ден аса адам еңбекпен қамтылған.
Hyundai Trans Kazakhstan жобасы Қазақстан Республикасы Индустрия және инфрақұрылымдық даму министрлігінің, Қазақстанның Даму Банкінің, Өнеркәсіпті Дамыту Қорының, Қазақстан Республикасы Сыртқы істер министрлігінің, KazakhExport экспорттық сақтандыру компаниясының, Алматы қаласы әкімдігінің қолдауымен жүзеге асырылды.
Hyundai Trans Almaty зауыты 2011 жылдан бастап жұмыс істеп тұр, Hyundai, Golden Dragon, МАЗ, Foton коммерциялық, автобус және арнайы техникасын шығарады. Соның ішінде Hyundai H350 және Foton Toano негізінде жедел жәрдем автокөліктерін, Hyundai Pavise негізінде өрт сөндіру автоцистернасын және Foton негізінде жедел әрекет ететін өрт сөндіру автокөлігін өндіреді.
| 10,13 га жалпы ауданы | 315 жұмыс орны |
2023 жылы өндіріс алаңдары кеңейтілді, дәнекерлеу және бояу жұмыстарын қамтитын екі ұсақ торапты өндіріс желісі (СКD) іске қосылды: бұл Hyundai жүк автокөліктерін өндіретін желі және Golden Dragon автобустарын өндіретін желі. 2023 жылы Golden Dragon маркасының 425 қалалық және 200 мектеп автобусы шығарылды.
Foton коммерциялық техникасының өндірісі іске қосылды.
Қазіргі сәтте жаңа цехтардың қосымша құрылысы жүргізіліп жатыр. Оларға автокөліктерді дәнекерлеу және бояу бойынша технологиялық операцияларды қоса алғанда катафорезді ванналармен бояу желісі орнатылатын болады. Өндірістің жалпы ауданы 13 518 ш.м. құрайтын болады. Өндірісті кеңейтуге жұмылдырылған инвестиция 6,8 млрд теңгені құрайды, жалпы инвестициялар 13,4 млрд. тг. құрайтын болады.
2024 жылы зауыт CKD әдісімен және екі жаңа модель өндірісін: Hyundai Porter жүк автокөлігінің өндірісін іске қосуды және Hyundai County автобусының өндірісін қайта жандандыруды жоспарлап отыр.
Коммерциялық техника зауытының жанында Xiamen Golden Dragon Bus Co., Ltd. компаниясымен бірлесе отырып автокөлік саласында инженерлік-техникалық мамандарды даярлау бойынша Қазақстан-Қытай оқу орталығын ашу жоспарлануда.
Haval, Chery, Changan автокөліктерін өндіретін толық циклді мультибрендті зауыт.
| Құрылыстың басталуы Қараша, 2022 |
Құрылыстың аяқталуы Ақпан, 2025 |
Өндірісті іске қосу 1-тоқсан, 2025 |
Жобалық қуаты жылына 90 000 авто |
Өндіріс ауданы 200 000 ш.м. асады. Жобаның жалпы құны – 164 млрд теңге.
Мультибрендті зауыттың жоспарланған өндірістік қуаты – жылына 90 мың бірлік, осылайша жаңа автокөліктер 2,5 минут сайын конвейерден шығып отырады. Автокөліктердің бүкіл көлемі кәсіпорында шанақты дәнекерлеу және бояу бойынша технологиялық операциялар қолданыла отырып, ұсақ торапты әдіспен ғана өндірілетін болады.
«Астана Моторс» шығарылған бүкіл автокөліктер көлемінің 40%-ын ішкі нарыққа, ал 60%-ын — экспортқа жеткізуді жоспарлап отыр.
Автокөлік зауыттарының жанында автокомпоненттер шығаратын кәсіпорындар кешені салынуда.
Мұнда автокомпоненттер өндірісінде тәжірибесі бар шетелдік серіктестермен бірлестікте автокөлік орындықтарының, полиуретан кілемшелердің, қанатасты қаптамалардың, кірқалқандардың және Hyundai автокөліктеріне арналған мультимедиа жүйелерінің өндірісі жолға қойылады.
Қазіргі уақытта 10 гектардан астам аумақта оның құрылысы бойынша жұмыстар жүргізіліп жатыр.
Кәсіпорындар 2024 жылдың соңында іске қосылады деп күтілуде. Автокомпоненттер өндіретін үш кәсіпорында 400-ден аса маман жұмыс істейді деп жоспарланып отыр.
Автокомпоненттер өндірістік кешенін салуға инвестициялар 15,4 млрд теңгені құрайды.
2023 жылы сәуір айында Қазақстан Үкіметі делегациясының Кореяға ресми сапары шеңберінде «Астана Моторс» компаниясы төмендегідей келісімдерге қол қойды:
Алматы Индустриялық аймағында автокомпоненттер өндіретін кәсіпорындар кешенін құру жөніндегі жоба стратегиялық маңызға ие, себебі отандық автоөнеркәсіпті әрмен қарай дамытуға және жергіліктендіру үлесін тереңдетуге ғана емес, сонымен қатар шағын және орта бизнесті дамытуға, машина жасау саласында білікті кадрлар жүйесін қалыптастыруға ықпал ететін болады.
