| Автокөлік жасау саласындағы топтың қызметі жеңіл автокөлік және коммерциялық техника өндірісіне жұмылдырылған. Бүгінде Hyundai Trans Kazakhstan, коммерциялық техникалар өндіру | және Astana Motors Manufacturing Kazakhstan жеңіл автокөліктер шығаратын мультибрендті зауыттар, сонымен қатар автокомпоненттер өндіретін технопарк жұмыс істеп тұр. |
Hyundai жеңіл автокөлік өндіру зауыты 2020 жылдың қазан айынан бері жұмыс істейді. Кәсіпорынның қуаттылығы – жылына 50 мың автокөлік.
Кәсіпорынның жалпы ауданы 40 мың ш.м. Бүгінде ұсақ торапты өндіріс қуатын арттыру және дәнекерлеуімен және бояуымен бірге жаңа модельдерді іске қосу үшін өндірістік алаңдарды кеңейту және өндіріс цехтарын жаңғыртуға дайындық жүріп жатыр.
Зауытқа жақын жерде автокомпоненттер өндірісі бойынша кәсіпорындар кешені салынуда.
Hyundai Trans Kazakhstan компаниясы Hyundai автокөлігінінің Tucson, new Tucson, Sonata, Elantra, Santa Fe, Palisade, Staria, Mufasa, Custin атты 9 моделін шығарады. Ал Hyundai Accent және Hyundai Tucson модельдерін өндіру дәнекерлеу және бояу әдісін қолдану арқылы жүзеге асырылды (шағын тораптық өндіріс, CKD). 2025 жылы Santa Fe моделіне де шағын торапты өндірісін қолдану жоспарланған.
| 50 000 бірлік/жыл | 1 300 жұмыс орны |
Hyundai Trans Kazakhstan зауытында әрбір автокөлік Hyundai жоғары стандарттарына сәйкестік бойынша тексеруден өтеді. Зауыттағы барлық операциялар қатаң түрде Hyundai Motor Company стандарттарына сәйкес бекітілген технологиялық процесс бойынша өткізіледі.
Hyundai Trans Kazakhstan зауыты машина жасау саласында кадрлар резервін қалыптастырып жатыр. Бүгінгі таңда кәсіпорында 1300-ден аса адам еңбекпен қамтылған.
Hyundai Trans Kazakhstan жобасы Қазақстан Республикасы Индустрия және инфрақұрылымдық даму министрлігінің, Қазақстанның Даму Банкінің, Өнеркәсіпті Дамыту Қорының, Қазақстан Республикасы Сыртқы істер министрлігінің, KazakhExport экспорттық сақтандыру компаниясының, Алматы қаласы әкімдігінің қолдауымен жүзеге асырылды.
Hyundai Trans Almaty зауыты 2011 жылдан бері іске қосылып, адамдардың күнделікті өмірі мен жұмысын жеңілдетуге арналған мыңдаған Hyundai, Golden Dragon мен Foton секілді коммерциялық, автобус және арнайы техникаларды, атап айтқанда апаттық көліктерді, автобустарды, өрт сөндіру машиналарын, су тасығыштарды, эвакуаторларды, жүк көліктерін шығарады.
2023 жылы Hyundai Trans Almaty зауытында өндірістік алаңдар кеңейтіліп, Hyundai жүк көліктері мен Golden Dragon автобустарын дәнекерлеу мен бояуға арналған екі шағын торапты өндіріс желісі (CKD) іске қосылды: 2023 жылы 425 қалалық автобус және 200 Golden Dragon мектеп автобусы шығарылды.
2024 жылы Hyundai Trans Almaty зауытында Hyundai Porter (CKD) кабиналарын дәнекерлеудің технологиялық операцияларына арналған жаңа цехтар салынып, катафорезді ванналары бар бояу желісі орнатылды.
Өндірістің жалпы ауданы 19 500 шаршы метрді қамтиды.
Өндірісті кеңейтуге салынған инвестициялар 11,9 млрд теңгені, ал жалпы инвестициялар 18,5 млрд теңгені құрайды.
2024 жылы CKD әдісімен екі модель, атап айтқанда HYUNDAI Porter және HYUNDAI Mighty EX10 жүк көліктерінің өндірісі іске қосылды.
GWM (HAVAL, TANK), Chery, Changan автокөліктерін өндіретін толық циклді мультибрендті зауыт.
| Құрылыстың басталуы Қараша, 2022 |
Құрылыстың аяқталуы Ақпан, 2025 |
Өндірісті іске қосу 1-тоқсан, 2025 |
Жобалық қуаты жылына 120 000 авто |
Өндіріс ауданы 200 000 ш.м. асады. Жобаның жалпы құны 182 миллиард теңгеден асады.
Мультибрендті зауыттың жоспарланған өндірістік қуаты – жылына 90 мың бірлік, осылайша жаңа автокөліктер 2,5 минут сайын конвейерден шығып отырады. Автокөліктердің бүкіл көлемі кәсіпорында шанақты дәнекерлеу және бояу бойынша технологиялық операциялар қолданыла отырып, ұсақ торапты әдіспен ғана өндірілетін болады.
«Астана Моторс» шығарылған бүкіл автокөліктер көлемінің 40%-ын ішкі нарыққа, ал 60%-ын — экспортқа жеткізуді жоспарлап отыр.
Автокөлік бөлшектерін шығаратын технопарк Алматының Индустриалды аймағында Hyundai Trans Kazakhstan және Astana Motors Manufacturing Kazakhstan зауыттарының жанында орналасқан.
Технопарктың жалпы аумағы – 100 мың шаршы метр. Өндірістік нысандардың ауданы – 20 мың шаршы метрден асады. Территориясында қазірдің өзінде жұмыс істеп тұрған екі зауыт орналасқан – бірі автокөлік орындықтарын өндірумен, екіншісі автомобильдерге арналған мультимедиялық жүйелер шығарумен айналысады. Сондай-ақ, логистикалық хаб жұмыс істейді.
Технопарк құрылысына жұмсалған жалпы инвестиция құны шамамен 15,5 млрд теңгені құрады. Келешекте технопарк қызметкерлер саны 400-ге дейін жететін болады. Жоспар бойынша келесі жұмыстарды жүзеге асыру көзделген:
Автокөліктерге арналған мультимедиялық жүйелерді шығаратын зауыт
Kazakhstan Mobility Engineering мультимедиялық жүйелер шығаратын кәсіпорын 2024 жылдың күзінде пайдалануға берілді. «Астана Моторс» және оңтүстіккореялық серіктес Motrex Co Ltd компанияларының бірлескен жобасына 890 млн теңге инвестиция жұмсалды.
Зауыттағы өндірістік нысандардың ауданы 1 400 шаршы метрді құрайды. Кәсіпорын Motrex технологиясы бойынша жылына 100 мың мультимедиялық жүйені шығарады. 2024 жылдың қазан айынан бастап зауытта өндірілген электронды аудио және бейне жабдықтар Алматыдағы Hyundai Trans Kazakhstan зауытына жеткізіліп жатыр.
Айта кету керек, Hyundai автокөліктерінің Tucson, Elantra және Palisade модельдеріне арналған мультимедиялық жүйелерге қазақ тілі енгізілген. Жақын арада Hyundai Santa Fe моделіне арналған қазақша мульмедиялық жүйелер жеткізіле бастайды.
Жоспар бойынша кәсіпорын Astana Motors Manufacturing Kazakhstan мультибрендті зауытында өндірілетін автокөліктерге мультимедиялық жүйелерді жеткізуді көздеп отыр.
Қазіргі таңда «Астана Моторс» және Sanico Electronics (Корея Республикасы) арасында микрочиптерді штамптау және беткі қабатын монтаждау технологияларын пайдалану арқылы мультимедиялық жүйелерге арналған аналық платалар мен корпустар өндірісін локализациялау, сонымен бірге дайын өнімдерді Қазақстандағы автокөлік зауыттарына жеткізу жөнінде келіссөздер жүргізу үстінде.
Автокөлік орындықтарын шығаратын зауыт
Almaty Autoparts Production кәсіпорны 2025 жылдың наурыз айында іске қосылды. Аталған жобаны «Астана Моторс» және оның оңтүстіккореялық серіктесі Youngsan компаниясы бірлесіп жүзе асырып жатыр. Локализацияның бірінші кезеңінде ортақ инвестиция көлемі 4 млрд теңгені құрады.
Өндірістік нысандардың ауданы шамамен 4 850 шаршы метрді құрайды. Кәсіпорынның қуаттылығы – жылына 100 мың орындық жиынтығы. 2024 жылғы желтоқсан айында жабдықтар, шикізат пен дайын өнім сапасын бақылау мақсатында орындықтарға арналған көбік элементтердің пилоттық партиясы шығарылды. Нәтижесінде зауыт сәтті сертификаттаудан өтіп, Hyundai Motor Company компаниясының Hyundai жеңіл автокөліктеріне арналған өнім жеткізуге ресми мақұлдауын алды. Осылайша орындықтардың жаппай өндірісі басталды.
Бірінші кезеңде кәсіпорында полиуританды көбік бұйымдарын (қалып-пішін) өндіру, жақтауды құрастыру, пластикалық элементтерді қаптау және автокөлік орындықтарын басқару жүйелерін тексеру сияқты өндірістік процестер жолға қойылды. Ол үшін зауытта Корея Республикасынан жеткізілген жабдықтар орнатылды.
Қазіргі таңда кәсіпорын Hyundai Trans Kazakhstan зауытында ұсақ түйінді әдіспен өндірілетін Hyundai Tucson және Hyundai Santa Fe модельдеріне арнап орындықтар шығарып жатыр. Болашақта отандық өнімдер Astana Motors Manufacturing Kazakhstan мультибрендті зауытында шығарылатын Changan, GWM (Haval мен Tank) және Chery көліктерінің өндірісіне, сондай-ақ басқа да автокөлік өндірушілеріне жеткізілетін болады.
2026 жылы Almaty Autoparts Production жеткізілетін шикізаттан орындық қаптамасын тігу бойынша локализацияның екінші кезеңіне шығуды көздеп отыр. Кәсіпорын тігін цехын ашып, оны жабдықтауға және кадрларды оқытуға қосымша 720 миллион теңге инвестиция жұмсауға ниетті.
