Нұр-Сұлтанда, Алматыда және Ташкентте «Астана Моторс» алғашқы халықаралық спартакиадасының іріктеу турлары өтті.

«Астана Моторс» құрамына кіретін барлық компанияның, Mycar. kz және MEGA СОО қызметкерлері арасындағы қалалық жарыс тамыз айында өтті: 13 күні - Нұр-Сұлтанда, 20 күні - Алматыда және 27 тамыз күні - Ташкентте. Үш жылдық үзіліс қатысушылардың спорттық дайындығына кері әсерін тигізбеді, ал жинақталған екпін күшті болды!

Пандемияға дейін «Астана Моторс» спартакиадасы жыл сайын, бірақ тек Алматыда өткізілетін. Осы жылы, компанияның 30 жылдығына орай, жарысты жай ғана ауқымдырақ етпей, халықаралық жарысқа айналдыру шешімі қабылданды! Спартакиаданың бірінші іріктеу туры Нұр-Сұлтанда өтті, мұнда астаналық командалармен қатар Өскеменнен, Қарағандыдан, Қостанайдан, Атыраудан келген қатысушылар жиналды, алматылық жарысқа Шымкенттің командалары қосылды, Ташкентте спорттық шайқаста Hyundai-дың өзбекстандық бөлімшелерінің қызметкерлерінен тұратын командалар кездесті.

Спартакиаданың ұраны күрделі - «Бірлік! Бәсекелестік! Ынтымақтастық!». Бірақ бір қарағанда ғана. «Астана Моторс» компаниясының бас директоры Бекнұр Несіпбаевтың айтуынша, «біздің қызметкерлеріміз үшін бұл күнделікті уәждеуіш нұсқау. Біз компания ретінде біртұтаспыз, біз үздік көрсеткіштер үшін күресте адал бәсекелестікті бағалаймыз және қалыптасқан ұжымдарда да, белгілі бір ауқымды іс-шара уақытына бірігетін жұмыс топтарында да тамаша ынтымақтасамыз».

Спартакиаданың бағдарламасында командалық жарыстар болды — бұл мини-футбол, волейбол, чирлидинг және дартс, үстел теннисі, армрестлинг, шахмат чемпиондарына арналған жеке бағдарлама.

Бірінші, екінші және үшінші орындарға ие болған командалар мен ойыншыларға кубоктар, медальдар және ақшалай жүлделер берілді, бірақ «Астана Моторс» спартакиадасының 24 қыркүйек күні Ташкентте өтетін халықаралық финалына жеңімпаздар ғана барады. Айта кетсек, олар жеңіске жету үшін соңғы серпіліс жасау алдында тынымсыз, бірақ жұмысынан бос уақытта жаттығып жатыр!

Біз іріктеу турларының жеңімпаздарын құттықтай отырып, оларға жеңіске жетуді - «Астана Моторс» спартакиадасының алтын медалін «тістеп» көруді тілейміз.