«Астана Моторс» қазақ мотор автокомпаниясы көктемгі су тасқынынан зардап шеккен өңір тұрғындарына көмек ретінде 500 миллион теңге аударды.

Нұрлан Смағұлов, «Астана Моторс» компаниясының негізін қалаушы:

«Біз барлығымыз не болып жатқанын жақсы түсінеміз және бұл табиғат апаттың  салдарынан баспанасынан, дүние-мүлкінен және күнкөріс құралдарынан айырылған отандастарымызбен көңіліміз ортақ. Біз зардап шеккен аймақтардағы қалыпты өмірді қалпына келтіру үшін 500 миллион теңге бөлуді ұйғардық. Төзімділік, шыдамдылық және өзара көмек су тасқынының салдарын еңсеруге көмектеседі».

Қаражат «Демеу Қазақстан Қоры» корпоративтік қорының шотына аударылды.

Су тасқыны жағдайы мемлекет басшысы Қасым-Жомарт Тоқаевтың ерекше бақылауында.

2024 жылғы 31 наурыздағы жағдай бойынша Ақтөбе, Батыс Қазақстан, Ақмола және Қостанай облыстарында уақытша орналастыру орталықтарында 6461 адам орналастырылған, оның 2570-і балалар.

Әуе кемелерімен 961 адам эвакуацияланды, оның ішінде 261 бала.

Жедел желіге 592 қоңырау түсіп, 20 облыста республикалық және облыстық жедел штаб жұмысын жалғастыруда.

Қиын су тасқыны жағдайы қалыптасқан өңірлерде, Ақтөбе, Ақмола, Қостанай, Батыс Қазақстан, Абай облыстарында су тасқынына қарсы іс-шараларды жүргізу үшін еліміздің басқа облыстарынан Төтенше жағдайлар министрлігінің күштері мен құралдары тартылды.

Өзендер мен су қоймаларындағы су тасқыны жағдайы бақылауда.