Германия, Майнц. Нұрлан Смағұлов «Астана Моторс», негізін қалаушы, Чжу Хуарун, Changan Automobile Co. төрағасы Фото: Changan Automobile Group

2025 жылғы 21 наурызда Германияның Майнц қаласында «Астана Моторс» (Қазақстан Республикасы) мен Changan Automobile Group (Қытай Халық Республикасы) өзара түсіністік туралы меморандумға қол қойды. Құжат «Астана Моторс» компаниясына жақын арада дистрибьюторлық келісімге қол қою үшін негіз болатын бизнес-жоспар дайындау процесін бастау құқығын береді.

Осылайша, «Астана Моторс» пен Changan ынтымақтастық орнатып, Польшада Changan, Deepal и Avatr көліктерін бірлесіп таратуға дайын.  Аталған  көліктер – интеллектуалды төмен көміртекті технологиялармен айналысатын жетекші Қытай автоконцернінің негізгі брендтері.

Меморандумға қол қою рәсімі Changan брендінің Еуропада Sharing the Future (Болашақпен бөліс) ұранымен өткен тұсаукесер аясында жүзеге асты. Салтанатты іс-шараға Германия, Польша, Ұлыбритания, Нидерланды, Норвегия, Португалия, Грекия және басқа да елдердің бизнес өкілдері қатысты.

Changan Automobile Group және «Астана Моторс» делегациясы. Фото: Changan Automobile Group

«Астана Моторс» және Changan Automobile Group 2022 жылдың қыркүйегінен бастап, яғни Қазақстанда брендтің сатылымға шыққан бері әріптестік орнатқан. Changan автокөліктері бірден жергілікті нарықта жақсы қырынан танылды. Бүгінде республиканың 14 қаласында 20 ресми дилер брендтің 9 моделін ұсынады.

2024 жылдың қорытындысы бойынша Changan 4,4% үлесімен Қазақстандағы ең танымал 10 модельдің қатарына кірді (Қазақстанның автокөлік одағының деректері). «Астана Моторс» аймақтарда Changan өңірлік желісін кеңейтуді көздеп отыр, сонымен қатар Алматыдағы «Astana Motors Manufacturing Kazakhstan» отандық мультибрендті зауытында бірқатар бренд модельдерінің өндірісін жолға қоюда (іске қосу – 2025 жылдың II тоқсаны).

 

«Біздің табысты серіктестігіміз одан әрі Польшадағы дистрибьюторлық байланысымыз үшін берік негіз болды. Біз Changan, Deepal, Avatr автокөліктеріне деген жоғары қызығушылықты көріп отырмыз және «Астана Моторс» брендтерімізді алға жылжыту үшін ең жақсы жағдайлар жасайды деп сенеміз», - деді Changan Automobile Group атқарушы вице-президенті Ли Минцай

Deepal S07 моделі. Фото: Changan Automobile Group

Польшаға Changan автокөліктері Қытайдан келеді. 2026 жылы республикаға арналған модельдік қатарға гибридті және электрлік қүштік қондырғылары бар ықшам, орташа және үлкен өлшемді кроссоверлер кіреді.

«Астана Моторс» Польшадағы дилерлік желісін дамытуды ел астанасы Варшавадан бастайды. Польшадағы Changan дистрибуциясын жоғары білікті және тәжірибелі жергілікті мамандар басқаратын болады.

Avatr 07 моделі. Фото: Changan Automobile Group

«Бүгінгі таңда «Астана Моторс» компаниясының жаһандық мақсаты – әлемдік брендтердің, соның ішінде Changan автокөліктерінің өндірісін локализациялау. Біздің көп жылғы тәжірибеміз шетелде бизнесті басқаруда сенім ұялатады. Осы орайда біз Changan Automobile Group компаниясына «Астана Моторсты» Польшадағы стратегиялық серіктес ретінде таңдағаны үшін алғыс айтамыз», деді «Астана Моторс» негізін қалаушы Нұрлан Смағұлов.


Басқа жаңалықтар
Барлық жаңалықтар

Hyundai тағы да үздік: 2025 жылдың бірінші тоқсанында бренд сатылым рекордына қол жеткізді

Hyundai 2025 жылдың бірінші тоқсанының қорытындысы бойынша қазақстандық автонарықтың ресми сатылымының бүкіл тарихындағы рекордтық көлік санын сатты - 11 705 бірлік. Брендтің сатылымы 2024 жылдың сәйкес кезеңімен салыстырғанда 26%-ға өсті (9 277 бірлік).

"Астана Моторс" Hyundai Trans Kazakhstan зауытын жаңғыртып, жаңа роботтар орнатты

"Астана Моторс" компаниясына қарасты Алматыдағы Hyundai Trans Kazakhstan зауытында ауқымды модернизация болып, жаңа жабдықтар орнатылды.

ҚазҰУ мен Астана Моторс» серіктестігі жаңа деңгейге шықты

«Астана Моторс» құрамына кіретін Astana Motors Manufacturing Kazakhstan (AMMKZ) мультибрендті зауыты және әл-Фараби атындағы ҚазҰУ ынтымақтастық туралы меморандумға қол қойды.

«Астана Моторс» және Youngsan автокөлік орындықтарын локализациялады

Бүгін Қазақстандық «Астана Моторс» компаниясы мен Youngsan автокомпоненттер өндірушісі (Корея Республикасы) Алматының Индустриалды аймағында автокөлік орындықтарын шығаратын бірлескен кәсіпорнын іске қосқанын жариялады.

«Астана Моторс» коммерциялық техника зауытына 12,8 млрд теңге инвестиция жұмсады

2025 жылғы 14 наурызда Алматы қаласының әкімі Ерболат Досаев жұмыс сапарымен кеңейту жұмыстары жүргізіліп, модернизациядан өткен Hyundai Trans Almaty зауытына барды. Іс-шараға ҚР Өнеркәсіп және құрылыс министрлігінің өкілдері және «Астана Моторс» негізін қалаушы Нұрлан Смағұлов қатысты.

ҚАЗАҚСТАНДА ЖАСАЛҒАН: МУЛТИБРЕНДТІ ЗАУЫТ CHANGAN CS55 PLUS-ТЫ ШЫҒАРУҒА ДАЙЫНДАЛУДА

Astana Motors Manufacturing Kazakhstan (AMMKZ) мультибрендті зауыты қытайлық Changan компаниясымен CS55 Plus автокөліктерін шығаруға арналған жабдықты жеткізу туралы келісімге қол қойды.