24 сәуірде Шанхайда Great Wall Motor компаниясының халықаралық дистрибьюторлық конференциясы өтті. Іс-шараға әлемнің 86 елінен 600-ден астам өкіл қатысты.

«Acтана Моторс» құрамына кіретін Haval Motor Kazakhstan қазақстандық компаниясы бірден бірнеше марапаттарға ие болды: сату бойынша көшбасшы, автокөліктің флагмандық моделін сату бойынша көшбасшы, сату динамикасы бойынша көшбасшы, ең тиімді дилерлік желі.

Компания команданың жоғары нәтижелерін және таңдалған стратегияның тиімділігін марапаттар халықаралық деңгейде растайтынын атап өтті.

Конференцияда GWM негізін қалаушы Джек Вэй мырза құттықтау сөз сөйледі. Ол 2024 жылы компания таза кірісті екі есеге арттырғанын және бұл пайданың үштен бірін шетелдік нарықтар қамтамасыз еткенін атап өтті. GWM жаңа технологияларға, өнім сапасын жақсартуға және сенімді серіктестікке бәс тігу арқылы болашаққа сеніммен қарайды.

Өз кезегінде Haval Motor Kazakhstan Бас директоры Эдуард Кузнецов: «GWM бес жылдан бері Қазақстанда HAVAL кроссоверлерін, TANK жол талғамайтын көліктерін және GWM пикаптарын ұсынып келеді. Осы уақыт ішінде біз бүкіл Қазақстан бойынша 45 дилерлік орталық аштық, онлайн-дилерді қостық және клиенттер үйден шықпай-ақ автокөлік сатып алуы үшін маркетплейсті енгіздік. Бүгінгі таңда 25 000-нан астам риза клиент бізді таңдайды, мысалы, HAVAL M6 моделі Қазақстан нарығында ресми түрде ұсынылған ең танымал 5 автокөліктің қатарына кіреді. Биыл біз жаңа деңгейге өтіп жатырмыз, HAVAL Jolion, TANK 300 және басқа модельдердің сериялық өндірісі басталады. Бұл жай жергілікті өндірістегі қадам ғана емес, сондай-ақ қазақстандық автоөнеркәсіптің дамуына қосқан үлес», - деп атап өтті.

Дистрибьютор Қазақстанда TANK жанкүйерлерінің ресми клубын құрды және екінші жыл қатарынан бренд жанкүйерлері үшін қызықты тест-драйвтар, кездесулер өткізуде. Сондай-ақ Haval бренді спорттық марафондарға, балалар мен жасөспірімдер футболына және басқа да іс-шараларға қолдау көрсетіп жүр.

HAVAL және TANK модельдерінің өндірісі жаңа мультибрендтік зауытта жолға қойылады. Astana Motors Manufacturing Kazakhstan зауытының ашылуы 2025 жылдың екінші тоқсанына жоспарланған.